kehte hai faasle taye kiye jate hai,
kehte hai lakeere keechi jaat hai,
faasle khatam bhi hote hai,
lakeere mitayi bhi jaat hai,

had to hum khud banate hai,
or had todi bhi jati hai,
khudko rok mat kuch karne se,
shayad acha ho,
khudko rok mat dar se,
shayad tu gham se azaad ho.

log kehte hai kehne de,
unka kaam hai kehna,
to sunata rahe teri sada,
jinko sunna hai sunega.

zindagi faaslo se taye kiye nahi jati,
na lakeero se badli jaati hai,
zindagi to ek sapna hai,
jo jee bhar ke jiye jaati hai.

kar har muraad poori,
kar har khaweish poori,
zindagi rukti nahi tere liye,
jo karna hai haasil karle sabhi.

zindagi kithni ajeeb hai,
do pal ka safar kehta hai,
par har kadam pe ek nayi kahani hai.

kahani jo chalti rehti hai,
kahani ji badalti rehti hai,
naye kirdaar hai kahi,
naye sawaal hai kahi.

jo chaho wo milta nahi,
jo na chaho wo milta hai,
jo ho wo pasand nahi,
jo na ho khaweish usi ki hai.

dil ki kahani bi ajeeb hai,
mohabbato se ye naseeb hai,
jispe ajaye wahi ruk jaye,
jab tak na mile tab tak har pal bekarar hai.

umeed hai aas hai,
lagta hai dil mein koi khaas hai,
aankhe gumnaam hai,
saansein anjaan hai,
dil ki dhadkanon se ab to hum bhi pareshaan hai.

zindagi ajeeb hai, har pal shareer hai,
zindagi ajeeb hai, har saans khushnaseeb hai

Tanha hai zindagi ka safar,
Tanha hai hum,
chal rahi hai zindagi,
chal rahe hai hum.

sab saat hai chand lamho ke liye,
sabko jaana apne alag raste,
sirf tu khud hai tera sacha dost,
baaki sab hongey kisi din beganey.

kisi ke zyada kareeb na ja,
na maan kisi ko zyada apne kareeb,
jo kareeb hote hai wahi dil todte hai,
jiske kareeb hum hotey wahi saat chodte hai.

kyu hote hai hamare liye alag raaste,
jo humein manzoor nahi,
kyu chunni padte hai humein wo raah,
jiski humein koi chaah nahi.

kyu hai ye dastoor alag jane ka,
jab khuda bhi kehta hai sacha iman hai paas rehne ka,
humein nahi manzoor ye safar zindagi ka,
har dagar pe hai ek naya mod,
behke kadam lad khadane ke liye.

anjaane hai zindagi ke rasste,
par chalna padta hai,
zaalim hai zindagi ke raaste,
na chahte hue bhi chunna padta hai.

Vaada karte hai saat nibhane ka,
saat rehne ka zindagi bhar,
par ek din jaana to padta hai.