Kahi aisi ek duniya thi,
jaha hum tum rehte the,
khushi or hasi saath thi,
gham ki na koi baat thi.

badalo pe chalte the,
chandni se kehte the,
humein kitna pyaar hai,
dil to ab azaad hai.

hawao ke sang udte the,
baarisho mein jhoomte the,
haaton mein haat liye,
sitaro par jaakar bait te the.

aankhon mein tumhari dekh kar,
hum tumse ye kehte the,
humein kithna pyaar hai tumse,
ab to ikraar hai tumhi se.

fir na jaane kya hua,
aankh khuli to tumko khoya,
humne aisi khata ki,
jo humko ye tanhayi mili.

ab yaha par akela hu,
bas yaadon mein khoya khoya,
na jane kaha wo duniya hai,
na jane kaha ab tum ho.

par ab bhi humko yaad hai,
madhoshi ka wo aalam tha,
sirf tum or hum the or tha pyaar,
kaise hum jeethe or fir tumse ye kehte the.

humein kithna pyaar hai,
tumhi se to ikraar hai,
dil ki ab pukaar hai,
chahe jithni bhi door hai tumhi se to pyaar hai....